саида раметова биография фото

18.09.202218.09.2022 admin 0 Comments

Саида Раметова 63 ёшда. Саратон билан курашаётган, бир неча бор «ўлди»га чиқарилган актриса ҳақида кўпчилик билмайдиган маълумотлар (фото ва видео)

21 сентябрда Ўзбекистонда хизмат кўрсатган артист Саида Раметова туғилган кунини нишонламоқда. Шу муносабат билан актрисанинг ҳаёти ва ижодидаги кўпларга маълум бўлмаган маълумотларни тақдим этамиз.

Самарқанддаги дўкон сотувчисидан актрисаликкача

Саида Раметова Самарқанд вилоятида дунёга келган. Мактабни тугатиб дўконда сотувчи бўлиб ишлай бошлаган. Тошкентга «Копиративний» техникумга кирган вақтида театрда Эркин Комилов ва Гулчеҳра Жамилова иштирокидаги спектаклни кўргач, актрисаликка иштиёқи ошади.

Талабалар кетишса ҳам Саида Раметова кетмасдан театрдан актёрлар чиқишини кутади. Ўша вақтда Эркин Комилов Саида Раметовани санъат институтига олиб борган. Туғма қобилият эгаси бўлган Саида Раметованинг кино ва театр оламига илк қадамлари катта иштиёқдан бошланган.

Саида Раметова 1984 йилдан бугунга қадар юзлаб фильм, сериал ва клипларда бош ва турли даражадаги ролларни ижро этган.

«Отамдан қолган далалар», «Бомба», «Алпомиш», «Шайтанат», «Йўл бўлсин», «Бахт учун миллион», «Чапани ошиқ», «Ёлғиз ёдгорим», «Кибрнинг жабри», «Ҳақиқий эркаклар ови», «Мажруҳ», «Фарзандим», «Арслон изидан», «Супер келинчак», «Учар қиз», «Онам билмасин», «Рашк 1, 2», «Қочқин», «Дадам билмасин», «Бойвачча куёв», «Она», «Юрак йиғлар», «Кечир, фарзандим», «Зирапча», «Пойма-пой», «Дунё» каби фильмлардаги роллари миллионлаб мухлисларининг кўнглидан жой олган.

Норасмий тақиққа учраган

Киночиларнинг катта бир йиғилишида бир раҳбарнинг «Барча фильмларда Саида Раметова, ундан бошқа актриса йўқми?!» деган сўзи Саида Раметованинг бўйнига норасмий тақиқни илди, деб ҳозир ҳам эслашади. Шу гапдан сўнг актриса бир муддат фильмларда кўриниш бермаган. Чунки уни чақиришса, ундаги норасмий тақиқ ўзларига ҳам қўлланиши мумкинлигидан қўрқишган.

Жумадулла Раметов лифтда севги изҳори қилган, Азиз Раметов эса лифтда туғилган

Хадрада жойлашган актёрлар ётоқхонасининг лифтида Жумадулла Раметов Саида Раметовага севги изҳори қилган. Лифтдаги севги изҳоридан сўнг, тасодифни қарангки, йиллар ўтиб Раметовлар сулоласининг кенжа вакили Азиз Раметов лифтда дунёга келган. Саида Раметова лифтда кўзи ёриган кунни қуйидагича эслайди:

Чорсуга янги уйга кўчган эдик. Жумадулла Раметов ишда, қайнонам раҳматли Туркистонда эдилар. Уй ишларини қилаётганимда аҳволимда ўзгариш сезиб, дарров Жумадулла акага телефон қилдим. Шифохонага олиб борсалар «Ҳали туғруққача 10-15 кун бор» дейишди, уйга қайтдик. Уйда яна мазам бўлмай, «Жумадулла ака, тез келинг», дедим. Доямиз корейс аёл «Тез учинчи қаватга олиб чиқинг», деди. Учинчи қаватга чиқаётганимда лифтда кўзим ёриган. Азизга ҳар доим «Сен лифтда туғилгансан», дейман.

Саида Раметова театрда ҳам жуда самарали ижод қилган. «Андишали келинчак», «Тун, албатта, ўтади», «Увайсий», «Бибихоним», «Фариданинг дил дафтари», «Уйқусиз кеча», «Бир қадам йўл», «Жалолиддин Мангуберди», «Отасининг қизи» сингари бир қанча спектаклларда бош ролларни ижро этган.

Кастингда Туркон хотунга тасдиқланган, сериалда унинг хизматкори бўлиб қолган

«Мендирман Жалолиддин» тарихий сериалидаги Туркон хотуннинг канизи Ойгул роли Саида Раметованинг сўнгги ролларидан бири бўлиб қолмоқда. Биздаги маълумотларга қараганда, актриса сериалнинг кастинг жараёнларида Туркон хотун ролига тасдиқланган, бироқ суратга олиш жараёнларида воқеалар ривожи умуман бошқача тус олган.

Туркиядаги суратга олиш жараёнларида актриса ўзида иккинчи даражали кўкрак саратони бошлангани ҳақида хабар топади. Бу ҳақда актриса қуйидагича эслайди:

Булар нега ўзгарди дея хавотир ола бошладим. Таржимонимиз «Саидахон, ўзингиз билармидингиз?», дедилар. Нимани деганимда, «Касалингиз — жиддий касал», деб бошқа нарса айтмаяптилар. «Айтаверинг, мен кучли аёлман, ҳаммасига розиман, айтинг», дедим. Шунда, «Сизда иккинчи даражали кўкрак саратони бошланибди», дедилар. Ҳеч кутмаган эдим, шу олтмиш уч йил давомида ҳеч қачон жиддий касал бўлмаганман. «Балки, адашишгандир, яна бир текширишсин», дедим. Туркия медицинаси жуда кучли, бутун дунёдан келиб, тўрт ойлаб навбат кутишади. Бизнинг ҳурматимиз учун навбатсиз олиб киришди. Бошқа шифохоналарнинг турли хил аппаратларида текширтирганимизда ҳам бир хил касаллик чиқди.

Ушбу хабар актрисанинг миллионлаб мухлисларини ҳам хавотирга солди. Ҳаттоки актрисанинг кенжа фарзанди, актёр Азиз Раметов онаси касал бўлганидан сўнг, ўзини қайсидир даражада айбдор санаб, йиғлаб интервью берган эди.

«Бугун 63 ёшини нишонлаётган актриса катта ролларни, катта асарларни кутмоқда. Ўзбек кино олами ва театр майдонида Саида Раметованинг беқиёс ўрни бор», — дейди киножурналист Шоҳира Ҳамро.

Ўзбекистонда хизмат кўрсатган артист Саида Раметова икки фарзанднинг Улуғбек ва Азиз Раметовларнинг онаси, уч набиранинг бувисидир.

Источник

Актриса Саида Раметова рассказала о своей болезни

В СМИ распространилась информация о том, что актрисе Саиде Раметовой, которая уехала в Турцию сниматься в историческом сериале о Джалолиддине Мангуберди, диагностировали тяжелое заболевание. Для уточнения этой информации журналист Феруз Мухаммад и телеведущая Шохира Хамро посетили дом заслуженной артистки Узбекистана Саиды Раметовой и побеседовали с ней.

Актриса Саида Раметова в интервью рассказала о своей тяжелой болезни, которую она изначально хотела лечить в Турции и о причинах, по которым она вернулась в Узбекистан.

«Всё произошло неожиданно. Наши съемки в Турции проходили очень хорошо. Нам предоставили все условия. Благодарю за это Министерство культуры во главе с Озодбеком Назарбековым и нашего продюсера в Турции Мехмеда Боздага. У меня появилась небольшая боль, я подумала, что простудилась. Актер Тохир Саидов также сказал: «У меня болит рука», поэтому нас доставили в больницу. У Тахира была настоящая простуда, и когда очередь дошла до меня, врачи странно переглянулись. Мне сообщили, что у меня серьёзная болезнь. Вторая степень рака груди. За все 63 года я ни разу не болела так серьёзно. Я не поверила поначалу и прошла обследование в других клиниках, но диагноз подтвердился. Сначала я не придала этому должного внимания. Оперировать решили в Турции, наши люди там проявили большую доброту, Озодбек Назарбеков всегда был на связи. Через некоторое время началась паника. Мне не давали покоя мысли, что я могу умереть. Каждый день я молилась и просила Аллаха указать мне верный путь. Меня мучили мысли остаться ли в Турции на лечение либо вернуться в Узбекистан. Однажды я заснула незадолго до рассвета, во сне я услышала голоса, которые один за другим говорили: «Уезжай! Уезжай!». Сердце сильно колотилось после этого случая, и я сказала, что должна уехать и быть со своей семьей, родственниками и друзьями. Когда я действительно почувствовала внутри себя эту болезнь, я поняла, насколько сладка жизнь. Мы боремся за роли, гоняемся за деньгами, не даём организму отдохнуть, но на здоровье не обращаем внимание, а ведь это превыше всего», — заявила Раметова.

Источник

Саида Раметова қандай касалликка чалингани ҳақида сўзлаб берди (видео)

Ижтимоий тармоқларда Туркияга Жалолиддин Мангуберди ҳақидаги тарихий сериалда суратга тушиш учун борган актриса Саида Раметова жиддий касалликка чалинганидан хабар топгани ҳақида маълумотлар тарқалди.

Ушбу хабарларга ойдинлик киритиш мақсадида «Дарё» мухбири Феруз Муҳаммад ҳамда журналист ва телебошловчи Шоҳира Ҳамро Ўзбекистонда хизмат кўрсатган артист Саида Раметованинг хонадонида бўлиб, актриса билан суҳбатлашди.

Актриса Саида Раметова суҳбат давомида оғир касалликка чалингани, дастлаб бу касалликни Туркияда даволатмоқчи бўлгани, аммо қайтишига сабаб бўлган воқеалар ҳақида гапириб берди.

Бу ҳодиса кутилмаганда бўлди. Туркиядаги сёмкамиз жуда ҳам яхши кетаётган эди. Бизга ҳамма шароитлар яратилган, у жараёнда санъаткор, актёр, актриса эканлигингизни ҳис қиласиз. Бу учун Озодбек Назарбеков бошчилигидаги Маданият вазирлигига, Туркиядаги продюсеримиз Меҳмед Боздағга миннатдорчилигимни билдираман.

Менда озгина оғриқ бўлди, шамолладим деб ўйладим. Актёр Тоҳир Саидов ҳам ‘қўлим оғрияпти’, дегани учун иккаламизни ҳурмат, иззат билан шифохонага олиб боришди. Тоҳирда ҳақиқатдан ҳам шамоллаш чиқди, менга келганда эса шифокорлар бир-бирига қараб, ғалати бўлиб қолишди.

Булар нега ўзгарди дея хавотир ола бошладим. Таржимонимиз ‘Саидахон, ўзингиз билармидингиз?’, дедилар. Нимани деганимда, ‘сизнинг касалингиз — жиддий касал’, деб бошқа нарса айтмаяптилар. ‘Айтаверинг, мен кучли аёлман, ҳаммасига розиман, айтинғ, дедим. Шунда, ‘сизда иккинчи даражали кўкрак саратони бошланибди’, дедилар. Ҳеч кутмаган эдим, шу олтмиш уч йил давомида ҳеч қачон жиддий касал бўлмаганман. ‘Балки адашишгандир, яна бир текширишсин’, дедим. Туркия медицинаси жуда кучли, бутун дунёдан келиб, тўрт ойлаб навбат кутишади, бизни ҳурматимиз учун навбатсиз олиб киришди. Бошқа шифохоналарнинг турли хил аппаратларида текширтирганимизда ҳам бир хил касаллик чиқди.

Аввалига ‘Аллоҳ шу дардни берибди-да, тузалиб кетарман’, деб унча эътибор бермадим. Туркияда операция қиладиган бўлдик, ўзимизникилар, у ердагилар жуда катта меҳр кўрсатишди, Озодбек Назарбеков доим телефон қилиб, хабар олиб турди. Озгина вақт ўтгандан кейин ваҳима бошланди. ‘Э Саида, сен жуда ўзингга ишоняпсан, сен ҳам бир Аллоҳнинг бандасисан, балким сен ўйлаган нарса тескари бўлиб қолса-чи? Бу бир баҳона бўлиб, ҳаётингга нуқта қўйилса-чи, агар бу ерда жоним узилса, ўзимни кечира олмайман’, деган хаёллар тинчлик бермай бошлади.

Шу касалликни ҳаққоний ичимда ҳис қилганимда ҳаёт қанчалик ширин эканлигини сездим. Баъзан бир-биримизнинг дилимизни оғритамиз, роль талашамиз, пулни орқасидан югуриб, ўзимизга дам бермаймиз, ҳаётда ҳамма нарса бўлади. Лекин соғлиққа ҳеч нима етмас экан.

Саида Раметова, Ўзбекистонда хизмат кўрсатган артист

Источник