Покров пресвятой богородицы что означает

12.09.202211.09.2022 admin 0 Comments

Покров Богородицы: главная загадка и парадокс праздника

Множество Покровских храмов было возведено в память о наших воинских победах, но при этом само событие, положившее начало празднику, было отнюдь не победой, а поражением русских. Давайте разбираться с этим парадоксом. Для этого нам надо будет вспомнить, что за событие русские празднуют 14 октября?

Начало X века, христианский Константинополь, столица Византии. Правит империей Лев VI Философ, личность занятная. Автор трудов по праву, инструкций о том, как развивать ремесла и торговлю, пророческих стихов и религиозных гимнов, император оставил потомкам еще и военное сочинение «Тактика Льва», хотя сам на поле боя никогда не бывал. При этом, несмотря на ученость и трактат по военному делу, военачальником Лев VI был никудышным: к примеру, в его правление Византия потеряла Сицилию. Да и сам богатейший Константинополь мог показаться легкой добычей для всех, кто бы вознамерился его завоевать. Летописи свидетельствуют: такими желающими оказались наши предки славяне, тогда еще язычники.

Согласно «Повести временных лет» русский князь Олег в 907 году начисто разорил столицу Византии. Тот самый пушкинский Вещий Олег, который, не имея обыкновения церемониться с врагами, обрекал «их села и нивы. мечам и пожарам».

По-видимому, впечатления от набега воинственной дружины Олега были так сильны, что уже одно приближение его кораблей к Константинополю наводило на жителей столицы ужас. Таинственное и мистическое происшествие, связанное с одним таким появлением кораблей Олега, и легло в основу нашего праздника.

Вместе со всеми в храме молился и раб византийского вельможи Андрей, Христа ради юродивый, славянин. Именно Андрей и увидел во время моления Богородицу, озаренную небесным светом и окруженную сонмом ангелов и святых. Преклонив колена, Божия Матерь со слезами молилась за христиан, а потом, сняв со Своей головы плат, распростерла его над стоящими в храме, защищая от врагов зримых и незримых.

Летописи свидетельствуют: неожиданно для жителей столицы корабли с дружинами славян вдруг развернулись назад. Константинополь был спасен. Историки до сих пор не пришли к единству касаемо даты произошедшего и того, был ли это князь Олег с дружиной или захватчики-арабы. Но вот сам факт того, что корабли врага, вплотную подошедшие к Константинополю, без видимой причины изменили свои планы, врезался в народную память надолго. Как чудо, связанное с молитвой к Пресвятой Богородице, простирающей Свой плат, Свой покров, Свою защиту над всеми молящими об этом. Это явление Пресвятой Богородицы, которая Своим Покровом защищает всех, ищущих Ее заступничества, и вспоминают во время праздника.

Подчеркну: спасен был враждебный на тот момент нашим предкам Константинополь, возможно, спасен от набега наших же предков, но с XII века событие отмечают в России как праздник. Причем отмечают его только в России. Хотя явление Божией Матери произошло в Византии, в греческом календаре такого праздника мы не найдем. Парадокс: событие, которое можно было бы посчитать военным поражением наших предков или как минимум происшествием, нас никак не касающимся, Русская Церковь считает великим праздником заступничества Богородицы за всех православных христиан. В чем тут дело?

Источник

Покров Пресвятой Богородицы: история, молитвы, акафист, иконы, проповеди

Что такое Покров Пресвятой Богородицы? Какая история у этого праздника? Есть ли специальные молитвы и акафисты? Об этом Вы узнаете из нашей статьи!

История Покрова Божией Матери

14 октября православные христиане вспоминают события середины X в., когда св. Андрею Юродивому и его ученику Епифанию было видение Покрова Божией Матери. Это случилось в Константинополе при императоре Льве Премудром. Это были трудные времена для Византии. Империи угрожали нападением сарацины, которые исповедовали ислам. Не видя ниоткуда помощи, в те дни греки во множестве стекались во Влахернский храм, в котором хранились риза Богоматери и Ее головной покров, и молились.

Во время всенощного бдения во Влахернском храме молились свв. Андрей и Епифаний. И вот в четвертом часу ночи видит Андрей величественную Жену, идущую от Царских Врат. Ее поддерживают св. Иоанн Предтеча и св. апостол Иоанн Богослов. Многие святые в белых одеждах сопровождают Ее. Когда Она приблизилась к амвону, прп. Андрей подошел к Епифанию и спросил: «Видишь ли Госпожу и Царицу мира?» — «Вижу, отец мой духовный», — отвечал тот. И вот видят они, преклонила Пречистая колена и приступила к молитве. Долгий час молилась Она, обливая слезами Свое Боговидное лицо. Окончив молитву здесь, Она подошла к престолу и стала молить за предстоящий в храме народ.

По окончании молитвы сняла Богородица с Себя блистающее великое и страшное покрывало, которое носила на Пречистой главе Своей и, держа его с великой торжественностью, распростерла над всем стоящим народом. Долго смотрели святые Андрей и Епифаний на распростертое покрывало и блистающую, как молния, Славу Господню. Доколе была там Пресвятая Богородица, видно было и покрывало. После же Ее ухода сделалось и оно невидимым, но осталась всем бывшим там Ее благодать.

Изумленные чудесным видением, святой Андрей и Епифаний поведали о нем всему народу. В этот день все уходили из храма с духовной радостью и надеждой на помощь Царицы Небесной. И эта надежда вскоре оправдалась: враги без всякого кровопролития отступили от города.

Праздник Покрова Пресвятой Богородицы установлен в Русской Церкви с XII века. В честь Покрова Богородицы в 1165 году Великим князем Владимирским Андреем Боголюбским был построен один из самых красивых и неповторимых православных храмов — Покрова на Нерли.

Именно покровительству, исходящему от образа Богоматери, приписываются многочисленные победы русского воинства.

Песнопения Покрову Пресвятой Богородицы

Тропарь Покрову Пресвятой Богородицы

Кондак Покрову Пресвятой Богородицы

Акафист Покрову Пресвятой Богородицы

Кондак 1

Избранней Предвечным Царем, превышшей всякаго создания Небесе и земли Царице, пришедшей иногда во Влахернскую церковь на молитву, достойное поклонение с благодарением приносяще, яко во тьме сущии, под Твой светящийся омофор с верою и умилением прибегаем. Ты же, яко имущи державу непобедимую, от всяких нас бед свобождай, да зовем Ти: Радуйся, Радосте наша, покрый нас от всякаго зла честным Твоим омофором.

Икос 1

Архангел и Ангел множество, со Предтечею, Богословом и всех святых ликом, сопредсташа Тебе, Царице своей, в церкви Влахернстей и, умиленная моления Твоя о всем мире слышавше, со удивлением возопиша таковая: Радуйся, Бога Отца безначальнаго предвечное благоволение; радуйся, Бога Сына безлетнаго пречистое вместилище. Радуйся, Бога Духа Всесвятаго избранное жилище; радуйся, Горних чинов ангельских непрестающее удивление. Радуйся, темных сил адских всегрозное устрашение; радуйся, Юже на воздусе сретают многоочитии Херувими. Радуйся, Ейже похвальная восписуют шестокрилатии Серафими; радуйся, Еяже преблагому покрову и мы, земнороднии, благодарне покланяемся. Радуйся, Радосте наша, покрый нас от всякаго зла честным Твоим омофором.

Кондак 2

Видевше Тя святый Андрей со Епифанием в церкви на воздусе за христианы Богу молящуюся, познаша, яко Матерь еси вознесшагося на Небо Христа Бога нашего, и, припадше на землю, радостно покланяхуся всеблагому покрову Твоему, зовуще: Аллилуиа.

Икос 2

Разум неуразуменен еси, Богородице Дево, в защищении людей православных, сего ради врази наши не познают, коль сильна есть молитва Божия Матере. Мы же, о Твоем всемощнем заступлении добре ведуще, сице к Тебе со умилением зовем: Радуйся, премилосердая Утешительнице всех скорбящих и обремененных; радуйся, неусыпающая Наставнице всех заблуждших и ослепленных. Радуйся, праведно движимый гнев Божий на нас Твоим молением скоро утоляющая; радуйся, злыя страсти наша всемощным мановением укрощающая. Радуйся, крепкое возбуждение спящих совестей; радуйся, нетрудное преодоление беззаконных навыков. Радуйся, Еяже ради ад стенет и дуси злобы трепещут; радуйся, Еяже ради врата Рая всем нам отверзаются. Радуйся, Радосте наша, покрый нас от всякаго зла честным Твоим омофором.

Кондак 3

Сила Вышняго осеняет с верою и благоговением прибегающих к Твоему всечестному покрову: единей бо точию Тебе, Пресвятей и Пречистей Матери Божией, дадеся, да всякое прошение Твое исполнится. Тем убо всяк возраст верных славословит Тя и Сына Твоего, зовущ: Аллилуиа.

Икос 3

Имущи богатство милосердия неоскудное, всем концем земли простираеши руку помощи, Владычице: болящим исцеление, страждущим ослабу, слепым прозрение и всем вся по коегождо потребе подаеши, благодарне вопиющим: Радуйся, Православия несокрушимая крепосте и оградо; радуйся, святых храмов и олтарей первейшее украшение. Радуйся, благочестия вернейшее ограждение; радуйся, благосердых градоправителей неусыпающая Споспешнице. Радуйся, непобедимая Воеводо вождей и воинств христианских; радуйся, святое зерцало правды судиям немздоприимным. Радуйся, совершенный Разуме наставников и детоводителей; радуйся, благословение домов и семейств благочестивых. Радуйся, Радосте наша, покрый нас от всякого зла честным Твоим омофором.

Кондак 4

Бурею многих бед одержимым нам помогаеши, Владычице: стоиши бо пред лицем олтаря Господня воздвигши руце Твои, и молишися, яко да нашу недостойную молитву призрит Господь, Царь Славы, и послушает прошения призывающих имя Твое святое, к Сыну же Твоему зовущих: Аллилуиа.

Икос 4

Услыша Господь Бог Иисуса Навина, молящася и повелевающа солнцу стати, дондеже отмстит врагом. Слышит и Твоя ныне моления Господь Иисус, избранная Палато Духа Святаго. Темже и мы, грешнии, на Твой надеющеся покров, Тебе, яко Божией Матери, глаголати дерзаем: Радуйся, от Солнца мысленнаго озаренная и нас светом незаходимым просвещающая; радуйся, сиянием пречистыя души Твоея всю землю просветившая. Радуйся, чистотою телесе Твоего вся небеса возвеселившая; радуйся, святых обителей Христовых покров и снабдение. Радуйся, верных пастырей Церкве бодрость и вразумление; радуйся, богобоязненных иноков и инокинь Наставнице. Радуйся, невозмущаемое успокоение благоговейных старцев; радуйся, тайное веселие чистых дев и вдовиц. Радуйся, Радосте наша, покрый нас от всякаго зла честным Твоим омофором.

Кондак 5

Боговидец Моисей во ополчении иногда на Амалика, егда руце воздвизаше, Израиль одолеваше, егда же руце низпущаше, тогда Амалик побеждаше, поддержащими же его укреплен, победи врага. Ты же, о Богомати, воздевши руце Твои на умоление, аще и никимже поддержима, всегда побеждаеши враги христианския и нам щит еси непобедим, вопиющим: Аллилуиа.

Икос 5

Видевше Тя святых собори на воздусе в церкви Влахернстей молебнии руце к Сыну и Богу простирающую, радостно со Архангелы и Ангелы благодарную Ти песнь воспета. Мы же, крепчайшима, паче Моисеовых рук, дланьма Твоима укрепляеми, умильно вопием: Радуйся, Еяже руце поддержит за всех нас единая Ея к нам любы и милосердие; радуйся, пред Неюже врази наши, видимии и невидимии, стояти не могут. Радуйся, темное полчище страстей и похотей наших прогоняющая; радуйся, Огнь Божественный — Христа неопально на руку Своею держащая и нас, хладных, тем воспламеняющая. Радуйся, воинствующих на плоть целомудрием изрядное венчание; радуйся, подвизающихся в посте и безмолвии присное собеседование. Радуйся, изнемогающих от уныния и печали скорая Утешительнице; радуйся, благодатию смирения и терпения снабдевающая. Радуйся, Радосте наша, покрый нас от всякаго зла честным Твоим омофором.

Кондак 6

Проповедник неоскудеваемыя благодати и милостей Твоих явися святый Роман Сладкопевец, егда от Тебе во сне прият свиток книжный на снедение: тем убо умудрен нача разумно пети во славу Твою, святым же писати похвальная, взывая с верою: Аллилуиа.

Икос 6

Возсияла еси от истиннаго Солнца Правды Заря, Дево Богоотроковице, просвещающая всех премудростию Бога Сына Твоего и в познание истины приводящая зовущих Ти таковая: Радуйся, Божию Силу и Божию Премудрость — Христа плотию породившая; радуйся, юродивую мудрость века сего посрамившая и ослепленных ею на путь правый наставляющая. Радуйся, святыя веры охранение и православных догматов Наставнице; радуйся, нечестивых ересей и тлетворных расколов Искоренительнице. Радуйся, тайная и неудобь предвиденная вся добре ведущая и имже подобает сказующая; радуйся, лживых провидцев и суетная гадания посрамляющая. Радуйся, в час недоумений мысль благу на сердце полагающая; радуйся, от пагубных начинаний и несмысленных пожеланий воспящающая. Радуйся, Радосте наша, покрый нас от всякаго зла честным Твоим омофором.

Кондак 7

Хотяй долготерпеливый Всевидец Господь явити Своего человеколюбия неизследимую щедрот бездну, избра Тебе едину в Матерь Себе и сотвори Тя людем непреодоленное защищение: да аще кто от них и праведным судом Божиим осуждения достоин явится, Твоим обаче державным покровом сохраняется на покаяние, зовый: Аллилуиа.

Икос 7

Дивная показал еси дела Твоя в Пречистей Матери Твоей, Господи, егда пречудный омофор в руце Ея светящийся паче луч солнечных явися, имже покрываше люди, сущия в церкви Влахернстей. О таковем убо знамении милосердаго Ея заступления услышавше, ужасом и радостию одержими, вси глаголаху: Радуйся, нерукотворенный омофор, аки облак, над всем миром распростершая; радуйся, превечнаго Архиерея, Сына Своего, знамение на руце Своей держащая. Радуйся, новую милость и новую благодать сим в Церкви Православной являющая; радуйся, столпе облачный от искушений и соблазнов мира всех нас покрывающий. Радуйся, столпе огненный, среди мглы греха всем нам путь спасения показующий; радуйся, явных благочестия подвижников явное укрепление. Радуйся, тайных среди мира рабов Божиих тайное вразумление; радуйся, и мене, обнаженнаго добрых дел, не оставляющая Своим покровом и благодатию. Радуйся, Радосте наша, покрый нас от всякаго зла честным Твоим омофором.

Кондак 8

Дивно Тя от Небес во Влахернстей церкви явльшуюся Ангели воспеша, апостоли прославиша, лик святителей и преподобных и жен святых сословие восхвалиша. Предтеча с Богословом поклонишася, людие же, сущии в церкви, с веселием вопияху: Аллилуиа.

Икос 8

Всеми вышними и нижними владычествуя Господь, узрев Тя в церкви Матерь Свою стоящу и со умилением к Нему молящуся, рече: “Проси, Мати Моя, зане не отвращуся Тебе, но исполню вся прошения Твоя и благодарственная сице Тебе всех пети научу: Радуйся, Ковчеже Завета, в немже хранится освящение всего рода человеческаго; радуйся, стамно пресвятая, в нейже алчущим правды блюдется Хлеб Жизни Вечныя. Радуйся, сосуде всезлатый, в немже уготовася нас ради плоть и кровь Божественнаго Агнца; радуйся, оставленных врачами на свои всемощныя руце приемлющая. Радуйся, разслабленных телом, но не духом и верою со одра болезни воздвизающая; радуйся, погубляющим от недуга ум новый и лучший смысл подающая. Радуйся, на стропотнем пути греха и страстей нас премудре запинающая; радуйся, жестокость нераскаяннаго сердца нашего умиляющая. Радуйся, Радосте наша, покрый нас от всякаго зла честным Твоим омофором.

Кондак 9

Все естество ангельское похвальная приносит Тебе, истенней Божией Матери и Заступнице всех притекающих к Тебе, ведуще, яко несокрушимым покровом Твоим праведных возвеселявши, грешных заступаеши, бедствующих избавляеши и молишися о всех верных, зовущих: Аллилуиа.

Икос 9

Ветия многовещанныя, яко рыбы безгласныя, недоумеют, како восхвалити по достоянию великий всечестнаго Покрова Твоего праздник: вся бо о Тебе от них глаголемая не суть довольна к единому исчислению щедрот Твоих. Мы же, Твоя неисчетная благодеяния видяще, с веселием взываем: Радуйся, от язвы и всегубительства смертнаго нас соблюдающая; радуйся, от внезапнаго колебания земли грады и веси сохраняющая. Радуйся, от разлияния вод и потопления рукою крепкою возводящая; радуйся, от запаления огненнаго росою молитв Твоих избавляющая. Радуйся, от глада душевнаго и телеснаго Хлебом Жизни снабдевающая; радуйся, удары молнии и грома от главы нашея отводящая. Радуйся, от нашествия иноплеменник и тайных убийц спасающая; радуйся, от домашния брани и вражды единокровных миром и любовию ограждающая. Радуйся, Радосте наша, покрый нас от всякаго зла честным Твоим омофором.

Кондак 10

Спасти хотяй род человеческий от прелести вражия Человеколюбец Господь Тебе, Матерь Свою, дарова земным нам в помощь, покров и защиту, да будущи печальным утешение, скорбящим радование, обидимым Заступница и да всех из глубины греховныя воздвигнеши, поющих: Аллилуиа.

Икос 10

“Царю Небесный, — глаголаше в молитве на воздусе со Ангелы стоящая всенепорочная Царица, — приими всякаго человека, молящася к Тебе и призывающа имя Мое на помощь, да не отъидет от лика Моего тощ и неуслышан”. Сию всеблагую молитву слышавше, собори святых благодарно возопиша: Радуйся, чистых руками и сердцем земледельцев благословенными плодами венчающая; радуйся, помоще и праведное мздовоздаяние всем право куплю деющим. Радуйся, клятвопреступлений и неправедных стяжаний всенародное обличение; радуйся, бедствующим в пути, на суше и водах внезапное вспоможение. Радуйся, безчадных родителей плодами веры и духа веселящая; радуйся, безматерних сирот незримая Воспитательнице. Радуйся, крепкая Заступнице сущих в плену и изгнании; радуйся, неусыпающая Попечительнице во узах и темнице селящих. Радуйся, Радосте наша, покрый нас от всякаго зла честным Твоим омофором.

Кондак 11

Пение всеумиленное слышаще и теплей Твоей молитве о нас внемлюще, просим Тебе, Дево Богородице, не презри гласа рабов Твоих: к Тебе бо в напастех и скорбех прибегаем и пред Тобою в бедах наших слезы проливаем, зовуще: Аллилуиа.

Икос 11

Яко светоприемную свещу, в молитве горящую, видящи Тя на воздусе Влахернская церковь, согласно со множеством людей, в ней бывших, возглашаше: “Откуду мне сие, да прииде Мати Господа Моего ко мне?” Святый же Андрей со Епифанием тепле моляхуся к Тебе, зовуще: Радуйся, всех даров духовных и телесных независтная Подательнице; радуйся, полагающих начало покаяния грешников верная Предстательнице. Радуйся, борющихся со страстьми и прилогами вражиими всегдашняя Споборнице; радуйся, незримое укрощение владык жестоких и зверонравных. Радуйся, тайный покое и отрадо рабов кротких и страждущих; радуйся, всежеланное совершение благих супружеств. Радуйся, матерей детородящих скорое и безболезненное разрешение; радуйся, в час кончины единая всем нам Помощнице. Радуйся, Радосте наша, покрый нас от всякаго зла честным Твоим омофором.

Кондак 12

Благодать Божественную испроси нам у Сына Твоего и Бога, простри нам руку помощи, отжени от нас всякаго врага и супостата и умири нашу жизнь, да не погибнем люте без покаяния, но приими нас в вечныя кровы, Покровительнице наша, да радующеся Тебе зовем: Аллилуиа.

Икос 12

Поюще Твой державный покров, хвалим Тя вси, яко твердую Предстательницу нашу, и покланяемся Тебе, о нас молящейся: веруем бо и надеемся, яко испросиши у Сына Твоего и Бога благая вечная и временная всем с любовию вопиющим Тебе сице: Радуйся, всей вселенной крепкое заступление; радуйся, всех стихий земных и небесных освящение. Радуйся, всех времен года благословение; радуйся, всех наветов и искушений, от мира, плоти и диавола находящих, попрание. Радуйся, нечаемое примирение ожесточенно враждующих; радуйся, недоведомое исправление нераскаянных грешников. Радуйся, не отвергающая всеми презренных и отверженных; радуйся, самих отчаянных от рова погибели исхищающая. Радуйся, Радосте наша, покрый нас от всякаго зла честным Твоим омофором.

Кондак 13

О Всепетая Мати, Пречистая Госпоже, Дево Богородице! К Тебе возвожду душевныя и телесныя очи, к Тебе простираю разслабленныя руце и из глубины сердца вопию: призри на веру и смирение души моея, покрый мя всемощным омофором Твоим, да избавлюся от всех бед и напастей, и в час кончины моея, о Всеблагая, предстани мне и уготованнаго ради грехов моих избави мучения, да выну покланяяся зову: Аллилуиа.

(Этот кондак читается трижды, затем икос 1 и кондак 1)

Молитвы Покрову Пресвятой Богородицы

Молитва первая

О, Пресвятая Дево, Мати Господа вышних сил, небесе и земли Царице, града и страны нашея Всемощная Заступнице! Приими хвалебно-благодарственное пение сие от нас, недостойных раб Твоих, и вознеси молитвы наша ко Престолу Бога Сына Твоего, да милостив будет неправдам нашим, и пробавит благодать Свою чтущим всечестное имя Твое и с верою и любовию покланяющимся чудотворному образу Твоему. Несмы бо достойни от Него помиловани быти, аще не Ты умилостивиши Его о нас, Владычице, яко вся Тебе от Него возможна суть. Сего ради к Тебе прибегаем, яко к несомненней и скорей Заступнице нашей: услыши нас, молящихся Тебе, осени нас вседержавным покровом Твоим, и испроси у Бога Сына Твоего: пастырем нашим ревность и бдение о душах, градоправителем мудрость и силу, судиям правду и нелицеприятие, наставником разум и смиренномудрие, супругом любовь и согласие, чадом послушание, обидимым терпение, обидящим страх Божий, скорбящим благодушие, радующимся воздержание, всем же нам дух разума и благочестия, дух милосердия и кротости, дух чистоты и правды. Ей, Госпоже Пресвятая, умилосердися на немощныя люди Твоя; разсеянныя собери, заблуждшия на путь правый настави, старость поддержи, юныя уцеломудри, младенцы воспитай, и призри на всех нас призрением милостиваго Твоего заступления, воздвигни нас из глубины греховныя и просвети сердечныя очи наша ко зрению спасения, милостива нам буди зде и тамо, в стране земнаго пришельствия и на страшнем суде Сына Твоего; преставльшияся же в вере и покаянии от жития сего отцы и братию нашу в вечней жизни со Ангелы и со всеми святыми жити сотвори. Ты бо еси, Госпоже, Слава небесных и Упование земных, Ты по Бозе наша Надежда и Заступница всех, притекающих к Тебе с верою. К Тебе убо молимся, и Тебе, яко Всемогущей Помощнице, сами себе и друг друга и весь живот наш предаем, ныне и присно и во веки веков. Аминь.

Молитва вторая

Царице моя Преблагая, Надеждо моя Пресвятая, приятелище сирым и странным Заступнице, бедствующих помоще и озлобляемых покрове, зриши мою напасть, зриши мою скорбь: отвсюду искушением одержим есмь, а заступающаго несть. Ты убо сама помози ми яко немощну, окорми мя яко странна, настави яко заблуждша, уврачуй и спаси яко безнадежна. Не имам бо иныя помощи, ни инаго предстательства, ни утешения, токмо Тебе, о Мати всех скорбящих и обремененных! Призри убо на мя, грешнаго и во озлоблении сущаго, и покрый мя пресвятым омофором Твоим, да избавлен буду от зол, мя обышедших, и восхвалю выну препетое имя Твое. Аминь.

Тропарь Покрову Пресвятой Богородицы

Тропарь, глас 4

Днесь благовернии людие светло празднуем, осеняеми Твоим, Богомати, пришествием, и к Твоему взирающе пречистому образу, умильно глаголем: покрый нас честным Твоим Покровом и избави нас от всякаго зла, молящи Сына Твоего, Христа Бога нашего, спасти души наша.

Величание

Величаем Тя, Пресвятая Дево, и чтим Покров Твой честный, Тя бо виде святый Андрей на воздусе, за ны Христу молящуюся.